“呢道题，食生菜咁易啦！”街坊麦叔教佢嘅孙仔课时咁讲。“食生菜好容易咩？”个孙仔好唔理解，反问爷爷。 喺广州话里面，“生菜”就系容易嘅象征，事关生菜系最常见嘅蔬菜，唔单只易煮易熟，而且嫩、脆，连细老人都可以轻松自如咁享用。“当食生菜”，呢句俗话就形容嗰啲下巴轻轻，但又唔兑现承诺嘅人。 喺广州话里边，除咗生菜之外，原来好多蔬菜，都有衍生出来嘅俗话。譬如苦瓜，广州人讲究意头，唔中意“苦”字，所以将佢直接改称为凉瓜。“苦瓜焖鸭，苦过didi”，就形容痛苦、凄惨嘅生活。didi，系指鸭嘅叫声。类似仲有“风吹芫荽，荽（衰）贴地”，就形容倒霉透顶，或者惹人讨厌。“蕹菜文章，半通不塞”，系指写文章或者讲话唔通顺，半桶水。事关蕹菜虽然叫通心菜，但佢嘅主干介乎唔通唔塞之间。呢啲俗语，唔单只形象咁描述咗每种蔬菜嘅特征形态，仲极有生活味道，风趣幽默。 虽然呢啲俗话嘅意味并唔好，不过街坊买餸，从来唔会真系因为呢啲俗语，而唔买佢哋。尤其系最近暑热，佢哋都系时令菜，系餐桌上最受欢迎嘅品种之一。椒丝腐乳通菜，谂起都返寻味；凉瓜黄豆排骨汤，清热又补肾……呢啲，唔单只大排档，连高档酒楼都不可或缺，系“食在广州”重要嘅一部分。 本文由 790游戏（www.790.kim）整理发布 |